مرحبا يا احلى موقع انا حابة اعرض عليكم قصتي من اولها عشان اذا في عندكم حل استنجدكم تساعدوني

فيه لانو أي صبية بعمري بيصير معاها متل ما انا بيصير معي اكيد راح تضايق وتلجأ لحدا عشان يساعدها انا صبية عمري 17 سنة حبيت شب وكنت اعتبرو احلى شب في الكون بعديها قررت اجيب رقم تيلفونو واحكي معو باسم تاني ومن بلد تانية انا عملت هيك لانو الشب بيعرفني مين انا وبنت مين بكون كذبت عليه وما قلتلو اسمي ولا اشي عني كلو كان كذب في الاخير قولتلو انا بحبك ضحك علي وقلي وانا كمان بعد فترة قصيرة من علاقتنا ع التلفون قلي خلص انا لازم اشوفك اسا انا ما بقدر اورجيه حالي لانو وقتها راح يعرفني وكنت خايفة من ردة فعلو وشو بدو يصير فية لما يعرف اني انا بحكي معو هي نفسها الي بيشوفها, اسا انا ما قبلت انو يشوفني وقلي اوكي هيك بدك معناها خلص بتنسيني وبتنسي رقمي وما بترجعيلي انا وقتها كرهت كل جنس ادم المهم بعد فترة نسيتو ونسيت حبو وصرت اعتبرو متل اخوي وكنت كل يوم اشوفو وبعديها بشهرين صار كل ما يشوفني يطلع علي ويضحك وصار يلحقني ع المدرسة ويعمل حركات قدامي وقدام رفقاتي وضل ع هذا الموال عده ايام وانا كنت خايفة انو حدا من اهلي يجي شي يوم ويشوفو وهو عم يمشي ويطلع علي ويضحك كنت خايفة انو تصير مصيبة معي بعديها صرت بدل كل يوم اشوفو كل ساعة بيجي قدامي ويطلع ويضحك انا بدي اتساعدوني وتقولولي ايش اعمل معو خايفه انو اهلي يعرفو انو في شب بيعمل هيك معي كل ساعة بيضحك ودائما كنت اسمع انو بيحكي عني بس باشي منيح واسا وان بدي اعرف ليش هيك بيعمل معي او اني انا شو اعمل معو بدي افهم شو سبب النظرات والحركات ليش هيك بيعمل معي شو بدو مني وكمان خايفة لا انو هو يشك فيي اني نفسي الي كنت احكي معو ع التلفون وهو لحدا اليوم بيعمل معي نفس الشي وهو صار الو اكتر من سنتين بيعمل معي هيك ساعدوني واعطوني الي حل مناسب وكتر الله خيركم سلامات.